Новости

   Бүгін, 28.11.2025 ж., колледжіміздің мақтанышы, болашақ бастауыш сынып мұғалімі Дәрібай Гауһар педагогика-психология пәнінің оқытушысы Ү.К. Зейнетоллинаның жетекшілігімен Қарағанды облысында білім беруді дамыту оқу-әдістемелік орталығы мен "Академик Е.А. Бөкетов атындағы Қарағанды ұлттық зерттеу университеті" КЕАҚ педагогикалық факультеті бірлесіп ұйымдастырған "Мұғалім болу – мақтаныш!" атты педагогикалық сыныптарға арналған облыстық бейіндік жоба аясындағы байқауға қатысып, жүлделі ІІ орынға ие болды.

    Сондай-ақ, Каткова К.В. ұстазы Мазур-Соцкая Т.В.-нің жетекшілігімен қатысып, ІІІ дәрежелі дипломмен марапатталды. Педагогикалық олимпиадада мектеп пен колледж оқушылары бақ сынасып, болашақ мамандығына деген қызығушылығы мен дайындығын көрсетті. 

    Бұл жарыс тағы бір мәрте "Мектептің жаны – мұғалім. Ең әуелі мектепке керегі – білімді, педагогика, методикадан хабардар, оқыта білетін мұғалім" деген ұлы ұстанымды дәлелдеді. Өйткені, "Мұғалім – болашақты құрушы адам!" 
    Қатысушыларды шын жүректен құттықтаймыз!