4-7 наурызда Абай Құнанбаев атындағы Саран жоғары гуманитарлық-техникалық колледждің спортшылары волейболдан өткен «Ұлттық студенттік лигасы»  облыстық  жарысқа қатысты.
         «Сарыарқа дарыны» балаларға қосымша білім беру аймақтық ғылыми-практикалық орталығының ұйымдастыруымен колледж студенттерінің  1 дивизион  арасында волейболдан «Ұлттық студенттік лигасы»  атты облыстық  жарыс өтті. Оған салауатты өмір салтын насихаттап жүрген ұлдар құрамасына 17 команда қатысса, қыздарда 14 команда жиналған. Олардың қатарында Абай Құнанбаев атындағы Саран жоғары гуманитарлық-техникалық колледждің жас спортшылары да бар. 
Спорттық шеберлікті жетілдіретін, жастарды шыңдай түсетін жарыста Абай Құнанбаев атындағы Саран жоғары гуманитарлық-техникалық колледждің ұлдар командасы  жоғары дәрежедегі ойын көрсетті. Алайда жеңіске бір қадам жетпей, төртінші орынға иеленді. Қыздар командасы да қарсыластарынан қалыспай, 4-орынға жайғасты. 
        Жарыс болғандықтан бірде жеңіс, бірде жеңіліс болып тұрады. Колледж студенттеріне алдағы ойындарда сәттілік тілейміз.