«AMANAT» партиясы жанындағы «Жастар Рухы» Жастар қанатының Қарағанды облысы филиалының төрағасы МАЖИТОВ Арафат Азаматұлымен кездесу өтті. Кездесуге Абай Құнанбаев атындағы Саран жоғары гуманитарлық-техникалық колледжінің директорының орынбасары, Ж. Жаяубаев және Саран қалалық «AMANAT» партиясы филиалының Төрағасы Н. Тажибаева қатысты.

      Кездесу барысында жастарға арналған түрлі бастамалар мен жобалар талқыланып, қаламыздағы жастар саясатын дамыту жолдары қарастырылды. Облыс филиалының төрағасы жастардың белсенділігін арттыру, олардың қоғамдық өмірге қатысуын кеңейту бойынша жоспарларын ортаға салды. Сонымен қатар, жастардың кәсіби дағдыларын дамыту, олардың білім мен жұмыс мүмкіндіктерін арттыру туралы пікір алмасып, бірлесіп атқарылатын жұмыстар жайында сөз қозғады.

Кездесу нәтижесінде «Жастар Рухы» ұйымының алдағы уақытта жүзеге асырылатын бірқатар әлеуметтік жобалар мен шаралар жоспарланып, қалалық жастарды біріктіру және олардың әлеуетін жүзеге асыру бағытында маңызды шешімдер қабылданды.

     «AMANAT» партиясы жанындағы «Жастар Рухы» Жастар қанатының Қарағанды облыстық филиалының төрағасы МАЖИТОВ Арафат Азаматұлы «Жастар Рухы» Жастар қанатының Саран қаласының Төрағасы болып Өркен Сансарбекті тағайындады. 

     Қосымша ретінде, «Жігер» Парламентінің депутаттары өздерінің атқарған жұмыстары мен жетістіктерімен бөлісті.