‹ Артқа

     Бүгін колледжімізде Ұстаздар күніне және 2 қазанда аталып өтетін Техникалық және кәсіптік, орта білімнен кейінгі білім беру ұйымдары қызметкерлері күніне арналған «Ұстазға алғыс – ұрпақтан» атты мерекелік іс-шара өтті.

    Мерекелік кешті жауапты педагогтер мен «Жігер» студенттік парламентінің белсенділері ұйымдастырды. Кеш барысында студенттер ұстаздарға ән арнап, би билеп, өлең оқып, жүрекжарды тілектерін жеткізді.

   Ерекше әсерлі сәттердің бірі – колледжіміздің 1999, 2012 және 2020 жылғы түлектерінің арнайы келіп, өздеріне білім мен тәрбие берген ұстаздарын мерекемен құттықтауы болды. Бұл – ұстаз еңбегінің жылдар өтсе де шәкірт жүрегінде сақталатынының жарқын көрінісі.

   Колледж директоры Темирбулатова Алма Асхатовна барша ұстаздар мен колледж қызметкерлерін мерекемен құттықтап, педагогтерге біліктілік санаты туралы куәліктерін табыстады.

🌷 Ұстаз еңбегі – ұрпақ болашағына салынған ең қымбат инвестиция!

Ұстазға құрмет – ұрпаққа өнеге!