2024 жылы қаңтардың 25-28 күндері Қарағанды қаласында Қарағанды облысының дене шынықтыру және спорт басқармасының ұйымдастыруымен, Қысқы президенттік көпсайыстан Қарағанды облысының ашық чемпионаты өтті. Бұл сайысқа облысымыздың көптеген спортшылары қатысты. Осы сайысқа біздің әріптесіміз, Абай Құнанбаев атындағы Саран жоғары гуманитарлы техникалық колледжінің дене тәрбиесі пәнінің оқытушысы Мұрат Дәулетбай да қатысып қайтты.  

     Әріптесіміз бұл чемпионатта 40-49 жас аралығында сайыста жүлделі І орын иеленіп, жарыстан жүлделі оралды. Мұрат Дәулетбайды колледж атынан жүлделі жеңісімен шын жүректен құттықтаймыз!