Жаңа жылдың қарсаңында «Біртұтас тәрбие» бағдарламасы мен бірлік пен ынтымақ айлығы аясында колледждің “Жігер” студенттік Парламенті дәстүрге айналған “Қысқы бал” атты жаңа жылдық бағдарлама ұйымдастырды.

     Іс-шара мерекелік көңіл-күйге толы сән-салтанатымен ерекшеленді. Бағдарламада түрлі конкурстар, шығармашылық қойылымдар, би кеші және жаңа жылдық көңіл-күйді көтеретін қызықты ойындар ұйымдастырылды. Студенттер мен оқытушылар мерекелік киім үлгісінде қатысып, ерекше атмосфераны сезінді.

    “Қысқы бал” колледждің жаңа жыл алдындағы ең жарқын әрі есте қаларлық шараларының бірі болып, қатысушыларға керемет әсер сыйлады. Мұндай іс-шаралар бірлік пен достық қарым-қатынасты нығайтуға ықпал етеді.